Өвөрхангай аймгийн Уянга сумын ИТХ

Өвөрхангай аймгийн Уянга сумын ИТХ

АРВАЙХЭЭР СУМАНД УРАМШУУЛАЛТ ЭРГҮҮЛ АЖИЛЛАЖ ЭХЭЛЛЭЭ

2025-08-04

Гэр бүлийн хүчирхийлэл үйлддэг, бүлэг бөөгнөрөл үүсгэж архидан согтуурдаг, хараа хяналт сул, ахуйн хүрээний осол, эрсдэлт нөхцөлд хяналт тавих, илрүүлэх, холбон зуучлах, аливаа гэмт хэргээс урьдчилан сэргийлэх, мэдээлэх зорилгоор “Урамшуулалт эргүүл” арга хэмжээг Арвайхээр сумын 13 багт 8 дугаар сарын 4-ээс 10 дугаар сарын 4-нд зохион байгуулж байна. Тус ажлыг аймгийн Гэмт хэргээс урьдчилан сэргийлэх ажлыг зохицуулах салбар зөвлөл, Арвайхээр сумын Засаг даргын Тамгын газар, Арвайхээр сумын Гэмт хэргээс урьдчилан сэргийлэх ажлыг зохицуулах салбар зөвлөл, Цагдаагийн газартай хамтран зохион байгуулж буй юм. Баг тус бүрт хоёр эргүүл ажиллуулснаар:
1.Олон нийтийн амгалан тайван байдлыг алдагдуулах эрсдлээс урьдчилан сэргийлэх;
2.“Урамшуулалт эргүүл” арга хэмжээг зохион байгуулах явцад тухайн орчны нөхцөл байдал олон нийтэд эрсдэлтэй байгаа тохиолдолд холбогдох төрийн байгууллагуудад уламжлан шийдвэрлүүлэх;
3.Архины хамааралтай бүлэг бөөгнөрөл үүсгэдэг айл өрхүүдээр орж хяналт тавих;
4.Оршин суугаа хаягаасаа алга болдог насанд хүрээгүй хүүхдэд хяналт тавих;
5.Хүүхдийн дэргэд архидан согтуурдаг, гэр бүлийн хүчирхийлэл үйлддэг айл өрхүүдэд хяналт тавих;
6.Хүүхдийг эрсдэлд оруулж болзошгүй тоглоомын талбай, ил задгай утас разетка, траншейний нүх зэргийг илрүүлж холбогдох байгууллагад уламжлан шийдвэрлүүлэх;
7.Гэмт хэрэг, зөрчилд холбогдож болзошгүй ахуйн хэрэглээний газ үнэрлэж, мансуурдаг хүүхдүүдэд хяналт тавих;
8.Орон байрны хулгайн гэмт хэргээс урьдчилан сэргийлэх;
9.Хүүхэд, өндөр настан, хөгжлийн бэрхшээлтэй иргэдийн аюулгүй байдлыг хангах;
10.Иргэдэд шаардлагатай мэдээ, мэдээллийг цаг алдалгүй өгөх, дамжуулах ач холбогдолтой юм.
 
 
 
 
 

ИРГЭН ТА UYANGA.UVURKHANGAI.KHURAL.MN САЙТААС ЯМАР ЧИГЛЭЛИЙН МЭДЭЭЛЭЛ ОРУУЛАХ ХЭРЭГТЭЙ ГЭЖ ҮЗЭЖ БАЙНА ВЭ?

санал өгсөн: 100
34 / 34%
32 / 32%
25 / 25%
6 / 6%
3 / 3%