Өвөрхангай аймгийн хүүхэд, багачууд орчин үеийн
стандартын шаардлага хангасан тохилог номын ордонтой боллоо.
“Хүүхдийн хөгжил, хамгааллын жил”-ийн хүрээнд орон
нутгийн төсвөөр олон жил ашиглагдаагүй хуучны барилгыг шинэчилж, 200 хүүхдийн
хүчин чадалтай номын өргөөг байгуулаад байна. “Хүүхдийн номын ордон”-ны
нээлтийн арга хэмжээнд УИХ-ын гишүүн, Хөдөлмөр, нийгмийн хамгааллын сайд
С.Чинзориг, аймгийн ИТХ-ын дарга А.Ишдорж, аймгийн Засаг дарга Г.Ганболд болон холбогдох
албан тушаалтнууд, хүүхэд багачууд, эцэг, эхийн төлөөлөл оролцов. Энэ үеэр
зорилтот жилийн хүрээнд бүтээгдсэн “Бяцхан зоргол ба Энхүүлээ хүү” номын нээлт
боллоо.
